_________________________________________________________________
Болот Байрышев Jаш тужим
Санама кирет кичинек тужымда
Койлорым кабырып тайгага баратам
Таскыл бажынаҥ солоҥы суркурап
Сонуркап мени jаркыныла ойнойтон
Санама кирет кичинек тужымда
Мӧштӱ кайага кузуктап баратам
Jерен адымныҥ эрин алып
Мӧштӧр jанына армакчылап салатам
Санамнаҥ чек чыкпайт кичинек тужымда
Тӱнӱк ӧткӱре jылдыстар толойтом
Карган-энемниҥ чӧрчӧгин угарга
Уйкуга алдырып уйуктап калатам
Санамнаҥ чек чыкпайт кичинек тужымда
ӧркӧлӧп jалаҥда чакпылар салатам
Jонмойын ичегенин туй тебинип
Чакпыларымды jастыктырып салатан
Санаҥа киретпе кичинек тужымда
Эҥгирлер сайын jиитер jулатан
Эҥир jылдыс кожоҥды кожоҥдоп
Айдыҥ тӱндерде таҥ атканча ойнойтон
Сени эмди кичинек ол тужым
Канайып эмди сананбайтам мен
Кунукан ӧйлӧрдӧ тӱжиме сен кирзеҥ
Тӱш jеримде ойноп ойноп ойноп аладым
Кунукан ӧйлӧрдӧ тӱжиме сен кирзеҥ
Тӱш jеримде ыйлап ыйлап ыйлап аладым
| 
