Благопожелание Алтаю
Бурамайлу öдÿкти
Буза баскан, Алтайыс
Тос-каланду чак тушта
Тыныс алган Алтайыс
Кааспакту öдÿкти
Кайра баскан Алтайыс
Кызаланду чак тушта
Тыныс алган Алтайыс
Кöгöр чагар ÿзеңи
Тебин келдис Алтайыс
Кöк-Сÿмердиң алдына
Айылдап келдис Алтайыс
Агар чагар ÿзеңи
Тебин келдис Алтайыс
Кöк-Сÿмердиң алдына
Айылдап келдис Алтайыс
Эдим сынду Алтайдың
Ажузына баш болзын
Телбиреп аккан талайдың
Кечÿзине баш болзын
Токым сынду Алтайдың
Ажузына баш болзын
Толгой аккан талайдың
Кечÿзине баш болзын
Айлу-кÿндÿ теңерим
Ару турзын качанда
Аржан-суулу Алтайым
Амыр турзын качанда
Кÿндÿ-айлу теңерим
Ару турзын качанда
Кутук суулу Алтайым
Амыр турзын качанда
Ÿстÿ бисте ÿч jылдыс
Jаркынына ойнойлык
Ÿч толукту Алтайдың
Ыжыгына ойнойлык
Айландыра тайгалу
Амыр болзын Алтайым
Алды-кийни мöңкÿлÿ
Ада болгон Алтайым
Эбиреде тайгалу
Эзен болзын Алтайым
Эки jаны мöңкÿлÿ
Эне болгон Алтайым
__________________________________________________________________________
| 
